Në një kohë kur skuadrat e mëdha europiane janë vendosur në kërkim të elementëve që mund ti përforcojnë, shohim se emri i Hysaj po lakohet nga skuadrat më të forta italiane. Këtë e thonë edhe mediat huaja të cilat e cilësojnë si një nga lojtarët më të kërkuar.
Mësohet se kampionët e Italisë janë interesuar për shërbimet e mbrojtësit shqiptar, mirëpo drejtuesit e skuadrës napolitane nuk kanë vonuar të përgjigjen.
Skuadra bardhezi ka qenë shumë e shpërqendruar që pas largimit të Bonucit, madje tifozët kanë nisur të fyejnë ish-qendërmbrojtësin. Skuadra ka nevojë për plotësime të ekipit sepse duhet të kontrollohet qetësia e tifozerisë.
Media italiane “iamnaples.it” ka bërë me dije se, gjatë dy ditëve të fundit, ka pasur një linjë bisedimesh mes Juventusit dhe Napolit. Mësohet se drejtorët e Juventusit dhe Napolit kanë pasur një bisedë mes tyre. Paratiçi dhe Xhiuntoli kanë diskutuar rreth mbrojtësit të Kombëtares shqiptare të futbollit.
Bardhezinjtë kanë qenë të gatshëm për të nisur një bisedë rreth transferimit të mundshëm të Hysajt në Torino, mirëpo entuziazmin e ka ulur menjëherë përfaqësuesi i napolitanëve, i cili ka dhënë ultimatumin: Hysaj nuk preket!
