Paulo Dybala, prej kohësh kërkohet nga gjigantët e europës, por Juventusi në asnjë moment nuk ka pranuar që të bisedojë. Bayern Munich, Paris Saint-Germain dhe Manchester City janë tre skuadrat që këmbëngulin për yllin argjentinas, por një kusht që ta rrëmbejnë është që oferta të kalojë 100 milionë eurot.
Sipas Tuttosport, tre gjigantët evropianë kanë bërë oferta për Dybalan në të shkuarën, por Juve gjithmonë i ka injoruar ato. Megjithatë, gazeta beson se bardhezinjtë nuk e përjashtojnë një shitjen të tij për të arritur te ndonjë emër tjetër i madh. Po ashtu që pas ardhjes së Ronaldos në Torino, Dybala ka qëndruar shumë në hije dhe duket i pakënaqur. Argjentinasi ka shënuar vetëm dy gola në Serie A këtë sezon.
Megjithatë kushti që duhet të plotësohet është pagesa për argjentinasin mbi 100 milionë euro. Juventusi beson që do të vije një ofertë mbi 100 milionë euro, sikurse ajo e Paul Pogbas që kaloi te Manchester United.
