Juventus rikthehet të jetë i frikshëm dhe shumë pranë historisë, për të firmosur titullin e 7 shtatë kampion në Serie A. Bardhezinjtë mposhtin Atalantën me rezultatin 2-0, në ndeshjen e prapambetur dhe merr kryesimin e kampionatit me 4 pikë më shumë se Napoli i vendit të dytë.
Etrit Berisha me shokë nuk ia del dot të ndalin vrullin e Juventusit, të cilët kanë siguruar finalen e Kupës së Italisë, çerekfinalen e Champioons League dhe tashmë kryesimin e kampionatit. Është Gonzalo Higuain që gjen rrugën e rrjetës në pjesën e parë, pas një kundërsulmi mjaft të bukur me Douglas Costan. Ky ishte goli numër 16 i Higuain në këtë edicion të Serie A.
Skuadra e Allegri ka blinduar fitoren e 12-të radhazi me golin e shënuar në fund nga mesfushori francez Blasie Matuidi (asist Higuain). Atalanta, që e mbylli ndeshjen me 10 futbollistë pas kartonit të kuq të marrë nga Mancini, dhjetë minuta para fundit, mbetet në vendin e tetë.
