Juventus përpiqet, por Inter mbetet i pamposhtur

Derbi i Italisë është mbyllur me porta të paprekura, pavarësish ritmit të lartë që pati ndeshja asnjëherë nuk arritën të mposhten portierët respektivë. Juventus barazon Napolin me pikë por sërish qëndron në vendin e tretë, ku napolitanët e Sarrit kanë një ndeshje më pak. Ndërsa në vendin e parë vazhdon të qëndrojë Interi në +2 pikë nga Napoli që ka shansit të rimarrë sërish kreun. Ndeshja u dominua kryesisht nga Juventus e cila pati disa raste të pastra me Madzukic, por Handanovic ishte i pakalueshëm në këtë sfidë. Nga ana tjetër Inter i qahet atij topi të prekur me dorë të Benaria në zonë, por që arbitri as me teknologjinë VAR nuk e vlerësoi si të tillë.Pjesa e parë nis ë ritme të larta me një Inter që rri i tërhequr dhe përpiqet të mbyllë cdo hapsirë. Nga ana tjetër Juventus sulmon në të gjitha mënyrat duke dominuar pjesën më të madhe të kësaj pjese. Rastet më të mira për shënim kanë qenë për bardhezinjtë ku kanë rrezikuar shumë shpejt me Mandzukic i cili godet me kokë nga shumë pranë, por Handanovic është i vëmendshëm dhe bllokon atë goditje. Ndeshja vazhdon të jetë e tensionuar ku arbitri është detyruar të nxjerrë katër herë kartonin e verdhë. Në minutat e fundit është Sërish Madzukic që godet mjaft mirë me kokë një top të ardhur nga këmbët e Cuadrados, por topi prek vetëm traversën. Me rrjeta të paprekura mbyllet pjesa e parë, por ka dhuruar spektakël dhe tension në fushë.Pjesa e dytë nis në të njëjtat ritme por tani duket se i ka marrë Interi frenat e lojës, duke kontrolluar topin dhe daljet në sulm me Candrevan dhe Perisic. Interi kërcënon portën e Juventusit me Icardin por që topi ngec në e Benatia, zikaltërit pretendojnë për penallti por arbitri thotë që gjithçka është e pastër. Në pjesën tjetër të lojës është Juve që dominon, por që nuk arrin të krijojë asnjë rast të rrezikshëm. Allegri hedh në fushë Dybalan për ti dhënë frymë sulmit, por që nuk funksionon përballë Skrinar dhe Mirandës. Ndeshja mbyllet në barazim pa gola dhe fituesi në këtë mbrëmje del sërish Interi si në atë ndeshje në Napoli ku fiton Juvja dhe zikaltërit morën vendin e parë.