Vetëm disa orë pas vendimit për të shkarkuar trajnerin Maurizion Sarri, Juventusi ka gjetur dhe pasuesin e tij në stol.
Një ndër legjendat e “Zonjës së Vjetër”, Andrea Pirlo pritet të marrë drejtimin e klubit më të madh italian, i cili prej 9 vitesh e ka “pushtuar” Serie A, por nuk ka mundur të fitojë asgjë në Europë.
Mediat italiane e quajnë të kryer lëvizjen e re të drejtuesve të bardhezinjve, të cilët nuk mundën ta pranonin eliminimin përballë Lyon në raundin e 1/8 të Champions League.
Nëse kjo lëvizje realizohet Pirlo do të jetë trajneri me ngritjen më të shpejtë në detyrë. Pa qenë asnjë ndeshje në stolin e pranverave të Juventus, ai do të marrë drejtimin e ekipit të parë, shkruan “A2”.
