Një lojtar që ka përfunduar në qendër të vëmendjes, në një kuptim negativ, është padyshim Frenkie de Jong. Holandezi u ble nga Ajaksi për 75 milion euro plus 11 milion bonuse, një shifër shumë e madhe e cila, megjithatë, nuk i përmbushi pritshmëritë.
“Në Barcelonë nuk janë të kënaqur me de Jongun, jua them me siguri,” tha Luca Monblano mbi çështjen e transferimeve nga Barcelona. Gazetar ekspert në rrafshin e Juventusit gjithashtu iu përgjigj shkëmbimit të mundshëm të holandezit me Dybalën.
Një bashkëpunim i provuar verën e kaluar mes Barçës dhe Juves, që sidoqoftë nuk i ka dhënë ndonjë sadisfaksion të madh dy klubeve: as Pjanic dhe as Arthur në fakt nuk i përmbushën pritshmëritë e dy tifozerive të reja.
Me një shkëmbim të ri të mundshëm në horizont, ‘biankonerët’ do të ishin në gjendje të shisnin Dybalën një vit para skadimit të kontratës duke sjellë në Torino një lojtar të datëlindjes 97’ që me Pirlon vetëm sa do të mësonte më shumë.
