Juventusi vuan por nuk gabon përballë Cagliarit, fiton 1-0 dhe ruan hapin e Napolit të vendit të parë. Kjo përballje ka qenë mjaft e luftuar nga Cagliari, të cilët mbajtën nën presion Juven e Allegrit gjatë gjithë ndeshjes, sa në fund tekniku italian ikën menjëherë nga pankina.
Padyshim, Juve dominoi ndeshjen dhe u tregua e rrezikshme që në minutat e para me Dybala. Mundësi të mira kishin edhe Bernardeschi dhe Benatia, goli i të cilit anulohet për pozicion jashtë loje. Pas pushimit Cagliari mundohet të dalë përpara dhe të bëjë diçka por pa sukses. Dhe në minutën e 75-të erdhi goli i fitores.
Douglas Costa bën gjithçka mirë në të djathtën dhe fut një top të ulët në zonë për talentin italian Federico Bernardeschi i cili me portën e boshatisur e ka shumë të thjeshtë për të shënuar. Në minutat e mbetura Juve nuk e kishte problem të menaxhonte lojën duke mbajtur ritmin e Napolit.
