Pas situatës së rëndë ku ndodhen shumë qytete të cilat po përballen me një situatë të pazakontë, kreu i qeverisë ka thirrur Komitetin e Koordinimit të Emergjencave Civile për të raportuar për punën e bërë si dhe për nevojat shtesë, që duhen për të bërë të mundur ruajtjen e jetëve të njerëzve dhe pasurive të tyre.
“Skam pyetje, por mbase do të vlente nga secili prej anëtarëve të ketij shtabi për të thënë disa fjalë. Puna e bërë për të organizuar këtë , rezulton të jetë një punë absolutisht e mirë dhe me rezultate pozitive. Puna e bërë nga ministra dhe prefektët, drejtuesit e shtabit, ministri i Brendshëm. Është për t’u përgëzuar dhe ministria e Energjisë dhe strukturave drejtuesve”-tha Rama.
Rama ka shprehur ngushëllimet për familjarët e elektricistit, që ka humbur jetën ditën e djeshme në Fier duke shtuar se: “Ky sektor ka humbur një person dhe dua ti shpreh ngushëllimet familjes së të ndjerit. Urojmë që mos të përsëriten rastet e 2015, por është bërë punë maksimale me kanale, është bërë një punë duke investuar në hidrovore dhe janë në gjendje të mirë. Kërkojmë mirëkuptimin e banorëve, pasi fiken dritat, sepse duam që të mbrojmë jetën e banorëve”-shtoi Rama.
“Këtu duhet t’i kthehem fjalën ministrit të Brendshëm, si dhe dua të falënderojë kreun e opozitës, Lulzim Bashën për qendrimin e mbajtur. Fjalët nuk kanë munguar zërat e ekspertëve, duke ia lënë fajin palmave, është sa qesharake, ashtu si kundër është e papranueshmë se medemek u hap Bovilla apo u hap liqeni i Kasharit, që është 3 metra poshtë pikës së rrezikut aktualisht. Ajo përmbytje aty është për shkaqe të tjera dhe jo për atë që thuhet. Ne jemi këtu për ti shkuar deri në fund përgjegjësive administrative dhe penale. Ndjesë të gjithë qytetarëve që u gjetën në atë pritë të paligjshmërisë që cënuan dhe jetët e tyre. Ne nuk do të falim asnjë përgjegjës për atë situatë”-theksoi Rama.
