Ish-drejtori i Autoritetit Kombëtar të Ushqimeve, Genc Juka ka deklaruar se bordi shkencor është i domosdoshëm, por drejtuesit teknik të AKU-së, nuk kanë qenë profesionist, pasi sipas tij ka edhe agronom brenda AKU dhe kjo është jashtë çdo kriteri.
Teksa ishte i ftuar në “News24”, Juka solli si rast edhe punësimet në kontrollin e importeve në portin e Durrësit, teksa deklaron se një prej punonjësve ishte një person që konsiderohej si i “plotfuqishmi” i Durrësit. Lidhur me këtë rast, Juka e quajti një turp për AKU-në dhe se dokumentet ishin për të marrë vajin.
Po ashtu, ish-drejtori i AKU-së e konsideron shqetësues edhe mungesën e të rinjve në shërbimin veterinar, ku sipas tij mesatarja ka shkuar 50 vjeç, pasi brezi i ri nuk pranon të studiojë për veterinari, pasi nuk trajtohen me kushte dinjitoze, ndërsa shton se veterinerët janë më të keqpaguarit.
