Politikë

“Doni të ktheni të djathtën në pushtet”? Ngjela: Ja si rrëzohet Rama për 3 muaj


               Publikuar në : 22:08 - 18/09/19 Enno

Avokati Spartak Ngjela, është shprehur se nëse PD-ja do që të vijë në pushtet, atëherë ajo nuk duhet të ketë më lider Lulzim Bashën, por të rinj demokratë që punojnë në institucione të rëndësishme në Evropë.

I ftuar në emisionin “Real Story” në News24, Ngjela thekson se vendi është në krizë, por jo në një krizë politike, pasi ajo është jashtë parlamentit.

Pjesë nga debati:

Mediu: Ne nuk dolëm nga parlamenti për qejfin tonë. Ne dolëm për shkak të asaj që po ndodh në Shqipëri. Ky nuk ishte parlament shumice. Ishte parlament që ishte ndërtuar për shkak të vjedhjes së votës dhe bërjes bashkë me krimin, nuk ka më as Prokurori etj.

Ngjela: Mirë ore zotëri, çojeni në Uashington. T’iu pranojë Uashingtoni t’;iu praoj edhe unë.

Mediu: Sot Shqipëria është në krizë. Shqipëria po shpopullohet.

Ngjela: Kjo është inefiçencë e qeverisë. Ka qenë gjithmonë.

Gjekmarkaj: Nuk mund të thuhet se Shqipëria nuk ka krizë, siç thotë avokati.

Ngjela: Kjo nuk është krizë politike, krizë por jo politike. Kriza është kur e ke në parlament. Nuk ka krizë jashtë parlamentit në të gjithë Evropën.

Gjekmarkaj: Me këtë krizë, kryeministrin mund ta kesh 30 vjet në pushtet.

Ngjela: Nuk iu ka përkrahur asnjë politikë e madhe, asnjë partner i madh ndërkombëtar.  Nuk po ndihmoni opozitën. E djathta klasike ka qenë e gjitha pa shkollë, nuk i linte komunizmi në shkollë. Më kanë thënë të huajt se janë 1200 shqiptarë ekselentë në perëndim, thërrisni të djathtën klasike dhe e rrëzoni për 3 muaj, ndryshe nuk bëhet. Këtë frikë ka Rama, prandaj iu afron.

Mediu: Nuk ka as gjykatë kushtetuese…

 

Kthehu
WhatsApp Denonco ne TT