Moderatorja shqiptare Hygerta Sako shprehet se e mërzit fakti që ka ende njerëz që e thërrasin “miss”.
E ftuar në “Thumb”, Hygerta ka deklaruar se acarohet së tepërmi, kur edhe pse ka kaq ka vite që investon në profesionin e gazetares, vazhdojnë dhe e quajnë miss.
Sipas moderatores, ky emërtim i ul vlerat e shumë viteve karrierë për të cilat ka punuar.
“Nuk më thonë as ish-miss po miss. Po ka patur momente të tilla (që acarohem), se ajo ideja e miss-it e një vajze të vogël, e një vajze të re, që është pak çfarë fluturon hahet. Kur më thonë missi më duket sikur më ulin vlerat e shumë viteve karrierë apo e shumë viteve që kam punuar.
Sikur më zvogëlojnë staturën që jam munduar të arrij. Unë mundohem të them që jam një miss i 24 vjetëve përpara kështu që ju lutem ma hiqni këtë nofkën po që njerëzit janë fiksuar”, tregoi Hygerta.
