Futboll

Jose Mourinho thyen heshtjen: Kam të ardhme edhe pa “Djajtë e kuq”

               Publikuar në : 13:25 - 20/12/18 ad min

Jose Mourinho thotë se nuk do të flasë për largimin e tij nga Manchester United nga “respektimi i thellë” që ka për kolegët e tij të mëparshëm.

Ai u shkarkua të martë nga drejtimi i kësaj skuadre , të cilën e udhëhoqi për dy vjet e gjysmë. Jose Mourinho është kthyer në Londër, aty ku edhe jeton familja e tij.

Në një intervistë të dhënë për mediat vendase, trajneri portugez komentoi shkurtazi eksperiencën e tij në Mançester, por edhe shkarkimin.

“Manchester United ka të ardhme të sigurt edhe pa mua dhe unë kam të ardhmen time edhe pa “Djajtë e kuq”. Jam vërtetë i lumtur dhe i nderuar që punova në “Old Trafford” për më tepër se dy vite”, theksoi Mourinho.

Trajneri portugez u shkarkua pasi klubi prej javësh po kalonte një krizë rezultatesh, që e kishin nxjerrë nga objektivat, ndërsa ambienti nuk ishte i qetë as në dhomat e zhveshjes.

Kthehu
WhatsApp Denonco ne TT