Trajneri i Manchester United, Jose Mourinho ka bërë parashikimin e finales së Botërorit që startoi ditën e sotme sipas tij. Nga gjysmëfinalet që kishte zgjedhur “Special One” të cilat ishin Gjermani-Argjentinë dhe Brazil-Portugali, në finalen e madhe do të shkojnë dy yjet e La Ligas, Messi dhe Ronaldo të cilët kanë një dekadë rivalitet mes tyre edhe për “Topin e Artë”, duke e fituar nga pesë herë secili.
Kujtojmë se Portugalia është fituesja e titullit në Kampionatin Europian të fundit, të luajtur në Francë, në vitin 2016, ndërsa Albiceleste mbërriti deri në finale të Botërorit të kaluar, luajtur në Brazil katër vite më parë, ku u mposht 1-0 nga Gjermania.
