Blogerja Sarah Berisha, pritet të zëvendësojë Jona Spahiun në programin e humorit “Koshere”.
Sarah është shprehur mjaft entuziaste për këtë projekt të saj të ri, teksa nuk e kemi parë më parë si moderatore. Edhe Jona Spahiu ka vendosur të flasë për largimin e saj nga emisioni.
Nëpërmjet një interviste me ndjekësit e saj në “Instagram”, Jona ka zbuluar se pse nuk është më pjesë e emisionit, duke thënë se ka plane të tjera në jetë e në biznes.
“Zgjodha mos të jem më në “Koshere” sepse kam plane të tjera në jetë dhe biznes. Ishte përvojë e bukur dhe argëtuese, por kaq! Ky s’do të ishte emisioni im i jetës. Faleminderit për fjalët e bukura, s’kam nevojë të jem në TV që t’ju kem në zemër”.
