Kryeministri britanik Boris Johnson ka dalë nga spitali, aty ku po kurohej për Covid-19. Johnson u shtrua në spital të dielën e kaluar, pas shenjave të infektimit.
Dy ditë pasi ai konfirmoi se ishte në gjendje të stabilizuar, u njoftua se ai ishte futur në terapi intensive. Mirëpo së fundmi gjendja e tij shëndetësore ka shënuar përmirësime të dukshme, ç’ka ka bërë që të dërgohet në shtëpi.
Vetë Johnson ka falenderuar mjekët për përkujdesjen, dhe ka thënë që u ka borxh jetën atyre. “Unë ua kam borxh jetën time”. Sipas mjekëve, ai tanimë është në gjendje të bëjë shëtitje të shkurtra.
Boris Johnson rezultoi pozitiv me koronavirus në 27 mars, por vazhdoi të punojë nga shtëpia duke infektuar edhe të fejuarën shtatzënë.
