Është Suedia që ka arritur të fitojë në ndeshjen e parë me një rezultat të ngushtë 1-0, që i jep shansin të shpresojë më shumë për një kualifikim në fazën e grupeve të Botërorit. Është zhvilluar një ndeshje mjaft e bukur ku Italia ka dominuar në lojë por golin e gjeti Suedia me anë të Johansson. Një goditje e madhe kjo për Italinë e Venturës, që e mendoi mjaft të lehtë këtë ndeshje.
Goli erdhi në pjesën e dytë pas një rrëmuje në zonën e axurrëve, ku topi devijohet nga De Rossi dhe e çon Buffonin në anën tjetër të portës. Ky rezultat nuk është aspak premtues për Suedinë, pasi ditën e hënë do të kemi ndeshjen e kthimit e cila do të zhvillohet në “San Siro”. Kjo ndeshje do të jetë një finale e parakohshme për Italinë dhe do të sjellë emocione të shumta. Italia rrezikon shumë me këtë rezultat për të mos marrë pjesë në botërorin Rusi 2018.
