Nënkryetari i CDU/CSU në Bundestag, Johann Wadephul, ka reaguar për marrëveshjen e arritur për Reformën Zgjedhore.
Ai thotë se darkordësia e arritur mbi Reformës Zgjedhore, inkurajon shtyrjen përpara të negociatave të anëtarësimit. Po kështu, Johann Wadephul ka ofruar mbështetje, ndërsa flet për zgjedhje të lira dhe të ndershme në Shqipëri.
Reagimi i plotë
“Dakordësia mes qeverisë dhe opozitës mbi një pjesë të rëndësishme të reformës zgjedhore duhet të inkurajojë shtyrjen përpara të negociatave të vështira mbi 15 kushtet që duhet të përmbushë Shqipëria para se të mund të fillojnë negociatat e anëtarësimit.
Jam i lumtur të vazhdoj të ofroj mbështetje. Sepse vetëm tek Reforma Zgjedhore ka akoma shumë diferenca mes palëve të cilat duhet të tejkalohen me qëllim garantimin e të drejtës së votës në përputhje me standartet e BE dhe OSBE.
Kjo është mënyra e vetme që më në fund të kemi zgjedhje të lira dhe të ndershme në Shqipëri. Ato janë parakusht për rrugën drejt BE. Nxis të dyja palët të vazhdojnë punën me shpirt konstruktiviteti! Eshte arritur dakordesi per nje pjese te Reformes zgjedhore, ka ende diferenca qe duhet te arrihen per te hapur negociatat”.
