Manchester City arriti një fitore mjaft të rëndësishme një natë më parë, ku mposhti Leicester dhe hodhi një hap të sigurt për tu shpallur kampion në Premier League kur ka mbetur vetëm një ndeshje për tu zhvilluar. Ishte Vincent Kompany autori i një goli të jashtëzakonshëm nga jashtë zone, që shkundi rrjetën e Schmaichel, por “vrau” edhe ëndrrën e Liverpool për të kryesuar.
Goli i qendërmbrojtësit ka një prapaskenë mjaft interesante, pasi të gjithë shokët i kanë kërkuar që të mos godiste, por kapiteni nuk i dëgjoi dhe shënoi golin më të bukur dhe më të rëndësishëm në karrierë.
“Jo Vini, jo…”, kjo ishte e bërtitura e Sergio Agueros dhe shumicës së tifozëve të pranishëm në “Etihad”, para se kapiteni, Vincent Kompany të shënonte golin e çmendur ndaj Leicester.
https://youtu.be/kfRCnwZ29Mw
“Të gjithë po më ulërinin që të mos gjuaja, por nuk kam arritur në këtë pikë të karrierës për të më thënë të tjerët se çfarë duhet të bëj. Luaj me mesfushorë të mëdhenj prej 15 vitesh, të cilët më kërkonin që të mos gjuaja. Ju kam thënë që një ditë do të gjuaj nga jashtë zone dhe do të shënoj gol”, u shpreh kapiteni i Manchester Cityt pas ndeshjes.
