Pas refuzimit të dekretimit të Gent Cakajt si ministër i Jashtëm, nga ana e presidentit Meta, vijnë reagimet e para.
Opozita e ka përshëndetur vendimin e presidentit. Është ish-ministri Tritan Shehu ai që ka reaguar teksa tha në studion e News 24 se emërimi i Cakajt do të sillte probleme të mëdha.
Por, duket se jo vetëm pala e opozitës është e kënaqur me këtë vendim. Reagime ka pasur edhe pala kosovare, teksa ish-zëvendëskryeministrja e Kosovës, Edita Tahiri tha se vendimi i Metës është vizionar dhe në mbrojte të kufijve të Kosovës.
Sipas saj, nuk u dekretua kandidati për ministër të Jashtëm që ishte pro përpjekjes për të prekur kufijtë.
“E pershendes vendimin kombetar dhe vizionar te Presidentit te Shqiperise ne mbrojtje te kufijve te Kosoves.
Ai sot nuk dekretoi nje kandidate per minister te jashtem qe ishte pro prekjes se kufijve, te nominuar qellimshem dhe me djallezi nga kryeministri Rama”, shkruan Edita Tahiri.
