Në Shqipëri kemi parë kohët e fundit raste ekstreme dhune ndaj arbitrave. Por duhet të ngushëllohemi pasi kjo ndodh edhe në vendin ku lindi futbolli. Në Angli ka ndodhur një rast i tmerrshëm ku futbollistë dhe zyrtarë të klubit kanë dhunuar brutalisht arbitrin e takimit. Gjatë një ndeshje midis dy ekipeve turke në veri të Londrës, të dielën e kaluar, video tregon sesi gjyqtari Fernando Lopes është sulmuar nga dhjetëra futbollistë nga të dyja ekipet.
Sulmi i dhunshëm ka ndodhur në fushat “Neë River” gjatë një finaleje mes dy ekipeve të komunitetit turk që jeton në Angli. Gjyqtari nxori me karton të kuq nga një futbollist për çdo ekip gjatë ndeshjes, ndërsa pas vërshëllimës së fundit erdhi sulmi brutal. Menjëherë u thërrit policia, e cila mbërriti pas dy minutash çka nuk shmangu shqelmat dhe grushtet mbi gjyqtarin.
