Gazetari Arian Çani është shprehur i bindur se kryeministri Rama do të vazhdojë ta mbajë timonin me një fuqi edhe më të madhe, se sa kur e mori në vitin 2013. Madje ai tha më tej me humor se Rama mund ta ngasë makinën pa duar dhe se timoni ka frikë të kthehet majtas e djathtas. Por, për sa kohë mund ta mbajë ai timonin e qeverisjes? Çani është i mendimit se Rama i ka dhënë shenjat se ai nuk mund ta humbasë kontrollin.
“Kam përshtypjen se Rama vazhdon ta mbajë timonin me një fuqi shumë të madhe, që unë e prisja, kështu që ai e ka timonin vetëm, ashtu sikurse e mori. Mendoj se sot më shumë se kurrë ai ia ka marrë dorën makinës dhe mund ta ngasë pa duar. Timoni ka frikë të kthehet majtas-djathtas, vazhdon ecën.
Nuk duket asnjë shenjë që ai mund të humbë kontrollin. Ai e ka ruajtur keq timonin, sepse ka rënie të demokracisë, jeta është bërë më e trishtuar, ai vetë nuk reflekton energji pozitive si njeri dhe si kryeministër. Transmeton vetëm energji negative nga të gjitha dritaret ne Facebook apo ne media. Më keq se kaq nuk mund të shkojë, por për të është shumë mirë. Por kjo nuk është problem për të, për sa kohë pjesa tjetër i bindet”.
Çani foli edhe për marrëveshje të fshehta. Ai zbuloi se fakti që Rama po takon opozitën parlamentare në Kryesi, dëshmon se ata do të binden.
“Populli nuk do të reagojë, deri tani nuk e shoh diçka të tillë. Tashmë politika është kthyer në biznes, ku ka shumë palë që fitojmë, përveç popullit të thjeshtë që është spektatorë dhe nuk fiton asgjë. Të gjitha këto bëhen si spektakël, ai duhet t’i bëjë këto gjëra. Fakti që Rama po takon opozitën parlamentare në Kryesi, tregon se ata do të binden, jo sepse do tu flasë me parime se çdo gjë ndodh në fshehtësi.
Unë mendoj se ky vit do të jetë vit i mbushur me para. Jo vetëm cash, por do të ketë rishpërndarje në ato duart, që do të vendosin rezultatin e zgjedhjeve në fund”.
