Si rrallë herë, këngëtarja e njohur Çiljeta Xhilaga, ka folur për jetën e saj private. Çiljeta ka folur për herë të parë për marrëdhënien mes djalit të saj dhe Alban Hoxhës, në emisionin “Goca dhe Gra” në Top Channel, duke u shprehur se duhen shumë me njëri-tjetrin. Madje ajo shtoi se djalin e partnerit të saj e do njësoj si të sajin, teksa vijoi duke thënë se në këtë mënyrë ajo jeton me tre burra në shtëpi. Këngëtarja i është dedikuar familjes, duke lënë pas karrierën. Dhe për këtë ajo thotë se ndihet me shumë fat, ku koha e plotë është për familjen e saj.
“E kam dashur gjithmonë familjen, sepse ashtu jam rritur. Atëherë ishte koha e karrierës, tani është pjesa e familjes. Të dyja bashkë është vështirë t’i bësh. Unë jam me tre burra në shtëpi e dashur. Ka pafund lodhje, por e dua shumë.
Djali i Abanit dhe Fernando duhen shumë dhe i unë i dua shumë. Unë dua fëmijë, por kur të ketë rrisk Zoti. Lidhja më ka pjekur, të kesh përgjegjësi për dy fëmijë është përgjegjësi shumë e madhe.
Jam shumë e lumtur dhe e bëj me shumë dashuri. Unë gjithmonë kam ndjekur zemrën, s’më ka ndikuar askush. Jam rritur para kohë, kam ndenjur me njerëz më të rritur. Jam rritur me dy prindër që më kanë plotësuar çdo gjë.
Thjesht kam qenë me fat që kam bërë shumë gjëra, gjithmonë kam qenë e pavarur. 16 vjeçe jam paguar për herë të parë”, u shpreh Çiljeta Xhilaga.
