Nënkryetarja e bashkisë së Tiranës, Brunilda Paskali dha sot dorëheqjen nga posti i saj. Në një dalje për mediat nga selia e LSI, Paskali tha se dorëheqja vjen pas zhvillimeve të fundit në këshillin bashkia. Ajo tha se respekton verdiktin e qytetarëve për misionin e LSI në opozitë.
“Pas zhvillimeve më të fundit në Këshillin Bashkiak ku bashkëpunimi institucional i deritanishëm në shërbim të qytetarëve të Tiranës dhe në përmbushje të detyrimeve që bashkia ka ndaj tyre u zëvendësua me partneritetin individual me dy këshilltarë që kanë vepruar në kundërshtim me qendrimin politik të LSI.
Misioni opozitë i LSI më obligon në aktin e dorëheqjes si dëshmi serioziteti, detyrimi dhe përkushtimi krah qytetarëve që me verdiktin e tyre i kanë besuar LSI përmbushjen e këtij misioni të rëndësishëm.
Gjatë këtyre dy viteve si nënkryetare e bashkisë jam përpjekur të bëj më të mirën për qytetarët e Tiranës brenda kufijve të mandatit time dhe këtë do të vazhdoj ta bëj edhe në detyra të tjera në të ardhmen.
Një falenderim i vecantë shkon për grupin e këshilltarëve të LSI me të cilët kemi ndërmarrë nisma të rëndësishëm në interes të qytetarëve të Tiranës”, tha Paskali.
