Drejtori i Hekurudhës Shqiptare, Ani Dyrmishi ka dhënë dorëheqjen nga posti. Ai qëndroi në krye të hekurudhës shqiptare nga viti 2017.
Nuk dihet arsyeja se përse Ani Dyrmishi ka vendosur që të largohet nga posti, ndërsa mëngjesin e sotëm ai ka dorëzuar në ministri letrën e dorëheqjes.
Deri më tani ai nuk ka dhënë asnjë prononcim për mediat dhe as në rrjetet e tij sociale për të sqaruar edhe motivin që e ka çuar në largimin prej detyrës.
Dyrmishi zëvendësoi në këtë post ish-drejtorin e Hekurudhave, Ilir Dashi, ndërkohë që prej vitit 2019 Ani Dyrmishi është kreu i Këshillit Bashkiak Durrës.
