Një 38-vjeçar ka tentuar të korruptojë një punonjës të policisë në portin e Vlorës, por duket se plani nuk i ka ecur ashtu siç e kishte menduar.
Robert Gjeçi, banues në Fier, ka tentuar t’i japë 100 euro punonjësit të policisë, të cilit i ka paraqitur pasaportën biometrike me eurot në brendësi.
Sipas policisë, nga verifikimi i kryer në sistem ndaj këtij shtetasi ka rezultuar se shtetasi Robert Gjeci i ka konsumuar ditët e qëndrimit në zonën Schengen.
Prej policisë është kryer arrestimi në flagrancë i shtetasit të lartpërmendur për veprën penale “Korrupsion aktiv i punonjësit që ushtron funksion publik”.
