Një incident është shënuar në nisje të ceremonisë përkujtimore të Kacifas, teksa mësohet se një prej shtetasve minoritarëve grekë, nuk ka lejuar gazetarët shqiptarë të filmojnë meshën .
Shtetasi është dukur shumë i irrituar, teksa përmes bërtitjeve dhe sharjeve u ka kërkuar gazetarëve të largohen.
“Ça do bëni këtu? Ikni, qërohuni!”, është dëgjuar të thotë shtetasi.
Ndërsa sipas BalkanWeb, më pas ai ka folur në greqisht, kryesisht drejtuar mediave greke. “Jeni turq, vrasës”, mësohet se iu ka thënë gazetarëve një prej personave që ndodhej në Bularat për të nderuar Kacifas.
I pranishëm në ceremoni ndodhet edhe kreu i PBDNJ-së Vangjel Dule, i cili ka zgjedhur të mos prononcohet për mediat.
