Kryeministri Rama ka replikuar me deputetin Ralf Gjoni, për të cilin tha se ka një ndjenjë solidariteti pasi janë të dy “viktima të shoqatës për mbrojtje nga boja”.
Duke ironizuar me ngjyrat e bojës, Rama akuzoi Kryemadhin si autorit të sulmit me bojë ndaj Gjonit, ndërsa e këshilloi deputetin që të mos shqetësohet për shëndetin e presidentit.
“Ralf për sa të përket ty, unë me ty kam një ndjenjë solidariteti se jemi dy viktima të shoqatës për mbrojtje nga boja. Ti pate fat se more bojë të bukur, të kuqe që për fat të keq është e vetmja boja që përdor doktoresha e shkencave horoskopike se thonë që filxhani shifet më mirë kur i hidhet pak e kuqe se ngrihen ato shejtanët përpjetë dhe e shef se kush është shejtani më i madh. Unë e mora të zezë se është boja e partisë së Myslymit e zezë, edhe ata nuk shofin gjë tjetër. Ata shofin bardh dhe zi, zi dhe bardhë”, tha ndër të tjera kryeministri.
Ajo që ra në sy është reagimi i deputetëve të rinj ndërkohë që kryeministri fliste, teksa ata janë shkrirë së qeshuri me batutat e Ramës.
Fjala e Ramës:
Më nxore mallin e atyre që na lanë me atë 18 trafikantët, ti në fakt e ule me 1. Është një numër që e keni sajuar vetë atje te SHQUPI, e keni përsëritur dhe e keni shpërndarë nëpërmjet kazanxhinjve dhe kadrinjve tuaj. Nga gjithë procesi i dekriminalzimit, nga grupi parlamentar i PS ka pasur vetëm një person me një dënim në të shkuarën që e prekte ligji. Grupi ynë parlamentar është një grup që harmonizon të gjitha shtresat përfaqësuese të të gjithë territorit të Shqipërisë.
Ralf për sa të përket ty, unë me ty kam një ndjenjë solidariteti se jemi dy viktima të shoqatës për mbrojtje nga boja. Ti pate fat se more bojë të bukur, të kuqe që për fat të keq është e vetmja boja që përdor doktoresha e shkencave horoskopike se thonë që filxhani shifet më mirë kur i hidhet pak e kuqe se ngrihen ato shejtanët përpjetë dhe e shef se kush është shejtani më i madh. Unë e mora të zezë se është boja e partisë së Myslymit e zezë, edhe ata nuk shofin gjë tjetër. Ata shofin bardh dhe zi, zi dhe bardhë. Kështu që Ralf mos u shqetëso për shëndetin e presidentit, junta ia uroi shëndet paç zotit president në kor mu në Bulevard. Presidenti u lehtësua nga ajo barrë, shif pjesën tate të presidentit, edhe kur presidenti të thotë ilegjitim, mos u merr me kë ishim ne në krevat po shif pse ta thotë ai ty.
