Shtatë persona kanë mbetur të plagosur, pas një sulmi ndodhur ditën e sotme në një shkollë të mesme në Santa Clarita, SHBA.
Dyshohet se personi që ka qëlluar me armë zjarri është një aziatik. Ndërsa autoritetet bëjnë thirrje të herëpashershme që mos të qarkullojnë në zonën përreth shkollës. Sipas “CNN”, mes të plagosurve, dy pacientë ndodhen në gjendje kritike për jetën.
Ndërsa autoritetet u bëjnë thirrje personave që banojnë në zonën rreth shkollës që të qëndrojnë në shtëpi. Pasi autori endet i lirë. Po ashtu, mendohet se i dyshuari është student i shkollës.
Për të shmangur çdo rrezik të mundshëm, tre shkolla fillore në atë zonë janë mbyllur.
Mamaja e një prej studenteve tha për “CNN”, se ajo bashkë me vajzën e saj po shkonin për në shkollë, teksa në një moment, e bija u telefonua nga miqtë e saj.
“Shokët e saj dëgjuan pesë të shtëna. Ata ndodheshin në palestër, kur dëgjuan të shtënat. Miqtë e saj e telefonuan menjëherë dhe i thanë që mos të shkojë në shkollë”, u shpreh Hannah de Caussin.
Sulmi ndodhi 20 minuta para se të fillonte mësimi. “Të gjithë jemi vërtet të mërzitur. Kjo është një lagje paqësore. Është tronditëse. Fëmijët po kontaktojnë me njëri-tjetrin për të mësuar se kush janë viktimat”, tha de Caussin.
De Caussin tha që ajo dhe vajza e saj 14-vjeçare, Mya Griffin, shkuan menjëherë për të marrë katër miqtë e saj. Të cilët aktualisht po qëndrojnë në shtëpinë e tyre.
