Ish-ministri i Drejtësisë, Ylli Manjani thekson se Shqipëria po shndërrohet në një kosh mbetjesh. Përmes një postimi në Facebook, Manjani shkruan se me ardhjen e azilantëve në Shqipëri, kjo nuk është vetëm një çështje e sigurisë por edhe e ekzistencës sonë.
Ai shpjegon më tej se me ardhjen e azilantëve dhe ISIS-it Rilindja po kryen një politikë tërësisht anti-kombëtare.
Postimi i plotë:
Nuk është më çështje e sigurisë, por e ekzistencës sonë! Shqiptarët i degdis nëpër Evropë duke kërkuar azil!
Shqipërinë e bën qendër azili për ISIS e për refugjatë afrikanë! Në territorin e Shqipërisë po përgatitet të digjen mbetje gjithfarësh të Evropës. Së shpejti tre incenerarorë do jenë me “gojë hapur” në pritje të mbetjeve evropiane!!!
Ndërkohë droga vazhdon pa ndalim! Në Evropë gjithnjë e më shumë po na identifikojnë të gjithëve ne (me apo pa faj) si trafikantë e kriminelë!
Në politikën Evropiane nuk konsiderohemi asgjë më shumë sesa një territor ku mund të depozitohen mbetje dhe emigrantë gjithfarësh.
Nuk mundet që një qeveri normale t’ia bëjë këtë gjëmë popullit dhe territorit të vet! Nuk mundet që një qeveri normale të bëjë të pabanueshëm territorin e shtetit të vet! Këtë politikë anti-komb e anti-shtet, vetëm qeveria e Rilindjes e bën! Kjo është e papranueshme!
