Këto ditë kemi parë shumë, por përmbytjet nuk janë e vetmja pamje që na shfaqet teksa mendojmë për situatën e vështirë që po kalojnë shqiptarët.
Kemi parë lot, debate, ngritje zëri apo kërkim llogarie nga ana e qytetarëve të thjeshtë ndaj pushtetarëve, të cilët janë shfaqur pas përmbytjeve si kërpudhat pas shiut për të inspektuar zonat e ndryshme.
Megjithatë duket se ende nuk i kishim parë të gjitha. Para pak minutash, banorët e Urës Vajgurore kanë pritur me entuziazëm kryeministrin Rama, pasi i kanë shpëtuar përmbytjeve.
Të lumtur për fatin e tyre të mirë, ata e kanë falënderuar, por edhe i kanë puthur duart në shenjë mirënjohjeje kreut të Qeverisë.
Edhe kryeministri, me “modestinë” e tij është shprehur se përmbytja nuk ndodhi falë investimeve të kryera nga shteti.
“ERTV Live: Në Urën Vajgurore ku falë investimeve të kryera për mbrojtjen nga lumi, banesat e fushat bujqesore që përmbyteshin çdo dimër dhe kaluan një situatë katastrofike në 2015, këtë herë nuk janë prekur megjithëse prurjet e lumit kanë qenë më të larta”, shkruan Rama teksa del live në ERTV.
