Kuvendi i Kosovës pritet të mblidhet javën e ardhshme. Seanca parlamentare do të zhvillohet pas sinjalit të marrë nga koalicioni PAN për të formuar qeverinë e re.
Nga ana tjetër, ndërkombëtarët kanë nxitur deputetët për krijimin sa më të shpejtë të qeverisë.
Deri para një viti, presidenti Thaçi e ka drejtuar PDK-në, partinë kryesore të koalicionit PAN, i cili është fitues relativ i zgjedhjeve të parakohshme të 11 qershorit. Pas zgjedhjeve, ai ka realizuar një seri takimesh joformale me përfaqësues të këtij koalicioni.
Takimin e fundit e ka zhvilluar një ditë më parë, me kandidatin e PAN-it për kryeministër, Ramush Haradinaj. Të njëjtën nuk e ka bërë edhe me LVV-në, subjekt i dytë për nga fuqia e votës, e as me koalicionin LAA, si subjekt i tretë, forca politike këto që refuzojnë të bëhen pjesë e një Qeverie, në të cilën mund të jetë edhe PDK-ja.
