Bundesliga gjermane luan sot javën e saj të 26-të. Takimet si normalisht të shtunave luhen në orën 15:30 dhe ndeshja e pasdites në 18:30.
15:30 Bajern – Shtutgart
Bajerni i Mynihut pret Shtutgartin në orën 15:30 në derbin e jugut të Gjermanisë, me të ftuarit në gjendje të ngjiten të shtatët në renditje nëse arrijnë të shtangin të gjithë duke mposhtur bavarezët në Allianz.
Ekipi vendas, ndërkohë, do të ketë ngutin për të fituar me patjetër ndeshjen pas udhëtimit të RB Leipzigut mbrëmë për në Bielefeld ku mundi Arminian me rezultat minimal 1-0 dhe e ngushtoi diferencën me vetëm 1 pikë.
Formacioni i mundshëm i Bajernit : (4-2-3-1): Neuer; Pavard, Boateng, Alaba, Davies; Kimmich, Goretzka; Sane, Muller, Gnabry; Lewandowski
15:30 Këln – Dortmund
Këlni do të përballet me Borusian e Dortmundit në Bundesligë, me të dy palët në skajet e kundërta të tabelës që kanë nevojë urgjente për një fitore.
Pritësit janë vetëm një pikë mbi zonën e rënies, ndërsa Dortmundi është dy pikë prapa Eintracht Frankfurtit të vendit të katërt dhe do të mundohet të shmangë humbjen e kualifikimit për në Ligën e Kampionëve sezonin e ardhshëm.
Me shumë lojtarë të ekipit të parë që mungojnë për Dortmundin, Këlni mund ta nuhasë mundësinë për t’i mërzitur sërish verdhezinjtë.
Sidoqoftë, ekipi i Gisdolit është në gjendje të tmerrshme, kështu që ai patjetër do të duhet të rrisin nivelin e performancës sot për të përballuar një ekip me Erling Haalandin në sulm.
15:30 Frankfurt – Union Berlin
Eintracht Frankfurti do të presë Union Berlinin në shtëpi me kryeqytetasit që kanë mundësinë të afrohen me vetëm tre pikë ndaj kundërshtarëve të tyre të sotëm me një fitore.
Të dyja palët kanë performuar në mënyrë të konsiderueshme mbi pritshmëritë deri më tani këtë sezon, me Frankfurtin favorit të parë të parë për t’u kualifikuar në Ligën e Kampionëve për herë të parë në historinë e klubit.
15:30 Bremen – Volfsburg
Verder Bremen do të përballet me Volfsburgun në ndeshjen e javës së 26-të, dhe ‘ujqërit’ miq do të kërkojnë të vazhdojnë të konsolidojnë pozicionin e tyre ndër katër të parët.
Vendasit e Milot Rashicës ndërkohë, gati e kanë siguruar mbijetesën me një hendek nëntë pikësh mbi zonën e rënies, kështu që tani mund të ngrejnë sytë në gjysmën e sipërme të tabelës.
18:30 Shalke – Gladbah
Gladbahu ka humbur shtatë ndeshje radhazi në të gjithë kompeticionet që kur u konfirmua që trajneri Marco Rose do të largohet për tek Borusia e Dortmundit gjatë verës, ndërsa Shalke që lëngon në kuotën e 11 pikëve në fund të tabelës pasi ka fituar vetëm një herë këtë sezon.
Si Thuram dhe Plea mund të shijojnë ndeshjen ndaj një mbrojtjeje që fut ujë nga të gjitha anët .
