Japonia ka marrë një fitore historike përballë Kolumbisë në ndeshjen e parë të Botërorit të Rusisë. Historike pasi nuk kishte fituar asnjëherë në përballë një ekipi amerikano-latin. 2-1 përfundoi sfida që u kushtëzua që në minutën e tretë në Mordovia Arena për Kolumbinë, pasi u ndëshkua me karton të kuq.
Po në minutën e 3’-të fillon edhe vuajtja për kolumbianët, pasi Kagawa kthen në gol atë penallti të dhuruar nga Carlos Sanchez pas një prekje me dorë në zonë, veprim për të cilin u ndëshkua edhe me kartonin e kuq.
Kolumbia bëri ligjin pas golit të pësuar, duke luajtur me shpirt gare dhe duke sulmuar me shumë forca. Kolumbianët barazojnë që në pjesën e parë me Quinteros, i cili me anë të një goditje dënimi shënon një gol mjaft të bukur. Vendos që të kalojë topin poshtë murit mbrojtës dhe portieri i Japonisë e ndal topin vetëm pasi ka kaluar vijën fatale.
Në pjesën e dytë trajneri i Kolumbisë hedh në fushë forca në sulm duke kërkuar të fitojë ndeshjen me James Rodriguez dhe Carlos Baccan. Por ishte Japonia që dominoi lojën dhe pas disa mundësive të mira gjen golin nga goditja e këndit falë golit me kokë të Osako. Kolumbia ishte shumë e lodhur për të reaguar dhe duhet ta humbasë këtë ndeshje për faj të kartonit të kuq që e ka kushtëzuar jashtë mase.
