Kryepeshkopi i Kishës Ortodokse Autoqefale Shqiptare, Anastasios Janullatos, në një intervistë për mediat greke, ka deklaruar se në krye të këtij institucioni fetar, do të jetë shqiptar-shkruan Tirana Today.
Drejtuesi i kishës, Anastasios ka thënë se “Padyshim që pasuesi im do të jetë shqiptar. Ne nuk kemi vajtur atje për të ndërtuar një koloni, por për të ndërtuar Kishën Ortodokse Autoqefale të Shqipërisë”.
Sa i përket raporteve mes Athinës dhe Tiranës, kryepeshkopi, Anastasios, ka nënvizuar se “Greqia mbetet gjithnjë fqinji. Fqinjët gjenden gjithmonë në momente të vështira. Njerëzit duan që këto marrëdhënie të jenë të përforcuara dhe të sinqerta. Të mos biem viktima të tensioneve por të ngremë ura”-tha ai.
Gjatë intervistës, kryepeshkopi ka sqaruar edhe marrëdhëniet që ka me drejtuesit e Shqipërisë, duke thënë se me kryeministrin Rama komunikon në mënyrë të vazhdueshme. Primare për të është dialogu, pavarësisht se ka disa gjëra që nuk i pëlqejnë apo përpiqet që t’i shmang. Tematikë tjetër mjaft e nxehtë është ajo me pronat e minoritetit grek në Himarë, ndërsa në pikëpamjen e kryepeshkopit, kjo është një “plagë” në të gjithë Shqipërinë- intervistë për SKY Tv.shkruan Tirana Today.
“Është një çështje e përgjithshme, jo vetëm në Himarë nuk janë kthyer pasuritë”-nënvizoi ai. Ai tha se çështja e pronave vazhdon të mbetet nëpër gjykata, pasi si proces në tërësinë e tij është mjaft kompleks.Kthimi i pronave në Shqipëri është procedurë nëpër komisione e gjykata. Çështjet e pronësisë janë të ngatërruara. Himara nuk është një çështje më vete. Shteti ka të drejtë të bëjë ndërhyrje të caktuara, por duhet t’u jepet prona e pasuria atyre që u takon”-shprehet Janullatos.
Fjalët më të mira i kishte rezervuar ndaj Kushtetutës së Shqipërisë, duke e quajtur si kushtetuta ndoshta më e mirë në botë për liritë fetare . Por, për minoritetin grek në Shqipëri, ai tha plaga e hapur është se të gjithë fshatrat po braktisen nga banorët. TIRANA TODAY
