Kryetarja e LSI Monika Kryemadhi është shprehur se ndërkombëtarët nuk mund të dalin kundër Kushtetutës së Shqipërisë, ndërsa i konsideroi turistë.
E ftuar në emisionin “Kjo javë”, Kryemadhi nënvizoi ndër të tjera se Kushtetuta nuk mund të përdhoset.
“Më gjej një ndërkombëtar që ka përshëndetur zgjedhjet. Shqipëria është vend sovran dhe nuk ka ambasador që të dalë kundër Kushtetutës. Le të guxojnë të dalin kundër dekretit të presidentit të tyre. Nëse shkohet në gjykatë ndërkombëtare, del se shkelin sovranitetin e një vendi anëtar të NATO-s.
Ndërkombëtarët janë turistë, jo zot. Ka prej 4 vitesh që s’ka këtu më as investitorë të huaj, këtu ka prej 4 vitesh kompani fantazmë që vijnë. Ne nuk kemi investitorë të huaj që i dalin garant shtetit shqiptar, por kompani që marrin para nga Shqipëria dhe ikin”, deklaroi Kryemadhi.
