Marigona Osmani e cila u vra nga bashkëjetuesi i saj, është njohur me të në rrjetet sociale. E reja u la pa shenja jete në hyrje të spitalit nga bashkëjetuesi i saj dhe një person tjetër, pasi e kishin dhunuar për dy ditë me radhë.
Avokati i familjes së të ndjerës, Gazmend Rexhepi, zbuloi në një lidhje me Skype për “ABC e Mëngjesit” se prokuroria po heton dy personat nëse kanë apo jo lidhje të dy me dhunën, apo vetëm bashkëshorti Dardan Krivaqa. Babai i të ndjerës ka thënë se çifti ishin njohur përmes rrjeteve sociale, dhe se më vonë kanë kuptuar se Krivaqa ka qenë precedent i 133 veprave penale. Ai ka rrëfyer më tej se vajza ka qenë e kërcënuar.
Në ceremoninë e varrimit morën pjesë familjarë të shumtë, e përfaqësues të institucioneve të Kosovës. Para ceremonisë së varrimit, protesta u zhvilluan para Policisë së Kosovës, për të vazhduar edhe para Gjykatës e Prokurorisë. Protestuesit kanë akuzuar institucionet e drejtësisë, se nuk po reagojnë në kohë.
Dy personat e dyshuar për vrasjen e Marigona Osmanit kanë pasur disa precedentë penalë, madje A. Sejdiut më 2013 i është ngritur akt-akuzë për tentativë vrasje, ndërsa seanca gjyqësore është caktuar pas 8 vjetësh, në shtator të këtij viti.
