Deputeti Kostaq Papa ka njoftuar sot në Kuvend, se do të largohet nga Grupi Parlamentar. Ai tha se ka dorëzuar dorëheqjen tek nënkryetarja e Kuvendit, Vasilika Hysi, për të cilën ka hedhur akuza se i ka censuruar fjalën.
Më tej ai akuzoi dhe kolegët e tij të Grupit Demokrat, duke thënë se ata kanë kërkuar përfitime personale dhe janë një fasadë.
Papa kërkoi ndjesë edhe për fjalët aspak etike të përdorura nga ai vetë.
“E lëshoj grupin parlamentar dhe jap dorëheqje prej tij duke i lënë paudhësitë politike, duke i falënderuar për bashkëpunimin po i lë në pseudodemokracinë e tyre që paraqesin të fshehur realitetin.
Nuk kam ndërmend të merrem me asnjërin realisht, as me prezantime fiasko papagalli por me fenomene politike dhe fshehjen që duan t’i bëjnë demokracisë dhe fasadës që duan të veshin veprimet jo korrekte të shtetit për përfitime personale. Më falni për fjalën për bythëlëpirje”, deklaroi Papa.
