Drejtori i shkarkuar i FBI-së, James Comey deklaroi para Senatit, se Trump i kërkoi që të ishte nën urdhrat e tij. Comey shtoi se administrata Trump zgjodhi të shpifë mbi atë dhe mbi FBI-në, duke qenë se ai nuk pranoi. Ish-drejtori i FBI-së mes të tjerave tha gjithashtu se administrata e Trump ka përdorur gënjeshtra të thjeshta por të planifikuara ndaj tij . Comey tha se i kanë kërkuar besnikëri gjatë bisedave private me presidentin Trump. Të dy ata kanë pasur një takim në Shtëpinë e Bardhë lidhur me hetimet e kësaj agjencie për disa zyrtarë të tanishëm dhe të mëparshëm të administratës.
“Comey në deklaratën e tij tha se kishte arritur të kuptonte që Trump po i kërkonte diçka në këmbim, që ta mbante atë në punë. Trump po kërkonte një lloj “marrëdhënie patronazhi” ndaj FBI-së. Presidenti me tha se ai shpresonte që unë të qëndroja si drejtor i FBI-së, por që të isha në patronazhin e tij. Unë nuk e refuzova menjëherë kërkesën e Trump për të ndërprerë hetimet ndaj Flyn sepse isha i tronditur nga ajo kërkesë në momentin që ma bënë atë”, tha Comey
