Rasti i Ergys Kaçes mbetet padyshim leksioni më i madh i talenteve të reja të Kombëtares, që janë formuar dhe rritur në Greqi. Pavarësisht vendit ku kanë dalë si futbollistë, origjina është ajo që gjithmonë duhet përfaqësuar dhe nuk duhet harruar.
I këtij parimi ishte Ergys Kaçe, që pavarësisht aludimeve të mediave greke dikur që do të zgjidhte fqinjët tanë, vendosi për Shqipërinë. Faktikisht, nuk ekzistonte asnjë diskutim, pasi mesfushori shqiptar e dinte shumë mirë se kujt i përkiste. Në një intervistë për “Panorama Sport”, Kaçe do të shprehej thjeshtë kur pyetej mbi mundësinë e zgjedhjes së Greqisë: “Unë nuk pres asgjë nga Greqia. Jam shqiptar dhe ndihem 100% i tillë. Dëshira ime është që të luaj për Shqipërinë”, ka thënë Kaçe.
Madje futbollisti do të pezullohej nga skuadra e PAOK, pasi pozoi me simbolin e UÇK-së. E gjitha një histori krenarie dhe leksioni, për gjithë lojtarët shqiptarë që e harrojnë vendin e tyre dhe bëjnë zgjedhje të pamenduara gjatë.
“Durmishaj dëshiron të luftojë për Greqinë”, trajneri helen plas ‘bombën’
