Në ndeshjen e basketbollit mes Philadelphia 76ers dhe Minnesota Timberwolves u shënua një incident.
Pas një dyluftimi për marrjen e topit, Joel Embiid nisi të grushtohej me Karl-Anthony Towns. Një sherr që përfundoi pasi të dy i përjashtuan nga ndeshja. E menjëhershme ka qenë ndërhyrja e lojtarëve, të cilët i dhanë fund edhe sherrit. Si pasojë, të dy lojtarët u përjashtuan nga ndeshja.
Nuk është përplasja e parë e shënuar mes tyre. Ata janë konfrontuar edhe herë të tjera.
Lidhur me këtë ngjarje, Embiid ka reaguar përmes një postimi në “Twitter”, teksa shkruan: “Jam rritur mes luanëve, por sonte më tërhoqi një mace”.
https://youtu.be/zRl3k4P4Gok?t=15
Siç duket edhe në videon e publikuar, sapo nisi sherri, lojtarët e tjerë dhe trajneri ndërprenë lojën dhe shkuan që të ndanin dy sportistët të cilët po qëllonin njëri-tjetrin me grushte.
