Tashmë jemi në periudhën e luleshtrydheve dhe është shumë e rëndësishme që të dimë të dallojmë ato të cilat janë të rritura me kimikate.
Fatkeqësisht ka shumë fermerë që abuzojnë me kimikatet e shtuara ndaj luleshtrydheve.
Mirëpo një fermer nga Patosi ka treguar për Rudina Magjistarin një metodë sesi ta dallojmë me sy të lirë një luleshtrydhe që nuk është e shëndetshme.
“Ka të bëjë me fortësinë e frutit. Nëse fruti qulloset shpejt do të thotë që ka përqindje të lartë të kimikateve, domethënë fermeri ka përdorur nitrate për ta rritur më shpejt!
Nëse fruti është i fortë, është trajtuar në mënyrë organike dhe ka përqindjen e duhur të kalciumit”, u shpreh fermeri Olti Duda.
