burimi:https://formiche.net/2021/04/putin-professione-007-ecco-la-guerra-di-spie-russe-in-europa
Nga Francesco Bechis“Formiche.net”
Spiunë dhe çanta, vrasës, diversantë, diplomatë të thirrur nga vendi i tyre me urgjencë, diplomatë të dëbuar dhe të kërcënuar. Nëse ajo që po zhvillohet në truallin evropian nuk është një Luftë e re e Ftohtë me Rusinë, ajo duket shumë si diçka e tillë.
Përshkallëzimi i situatës është sot transversale. I natyrës ushtarake në Ukrainë, ku me qindra mijëra trupa ruse janë zhvendosur shumë pranë kufirit, ndërsa NATO është në gatishmëri të lartë.
I natyrës diplomatike, me Bashkimin Evropian që ndodhet e mbërthyer midis çështjes së opozitarit rus Aleksei Navalni, gazjellësit rus “North Stream II”që shkon drejt Gjermanisë, dhe një morie sanksionesh të reja amerikane kundër Moskës për shkak të ndërhyrjeve të saj në zgjedhjet presidenciale amerikane si dhe për sulmin e rëndë kibernetik ndaj kompanisë teknologjike “Solar Wind”.
Por kjo që po shohim është gjithashtu një luftë mes shërbimeve inteligjente, ku fusha e betejës është Evropa, që është shndërruar në “tabelën e shahut” të një konfrontimi të pandalshëm midis agjentëve rusë, evropianë dhe amerikanëve.
Rasti i Valter Biot, një oficer i Marinës italiane i arrestuar në Romë, në momentin që po i shiste 2 agjentëve rusë informacione sekrete të NATO-s, është në fakt vetëm maja e ajsbergut. Rasti më i i fundit vjen nga fronti lindor, dhe konkretisht nga Republika Çeke e Andrej Babis.
Marrëdhëniet midis Kremlinit dhe ish-republikës së tij satelite kanë qenë në nivelin më të ulët të viteve të fundit. Tani qeveria e Babis ka vendosur të dëbojë 16 diplomatë rusë nën akuzat e spiunazhit, por edhe me akuzën e organizimit të shpërthimin të madh në vitin 2014 në një depo armatimesh në Vrbetice, një zonë 300 kilometra në jug të Pragës, ku mbetën të vrarë 2 ushtarakë çekë.
Diplomatët, thotë qeveria, janë agjentë të GRU, agjencisë ruse të inteligjencës ushtarake,
dhe kanë 48 orë kohë për t’u larguar nga vendi. Dy të tjerë janë në kërkim. Bëhet fjalë për Aleksandër Petrov dhe Rusllav Boshirov, agjentë rusë të GRU-së, të akuzuar nga qeveria britanike për përpjekjen për të vrarë ish-agjentin rus Sergei Skripal dhe vajzën e tij Julia në Salisbëri.
Kjo nuk është shuplaka e parë që Babis i jep diplomacisë ruse. Një vit më parë, në qershor të vitit 2020, dy diplomatë rusë u dëbuan pas dyshimeve se kishin dashur të vrisnin disa politikanë çekë që besohet se janë anti-rusë, përmes një helmi ricin që kishin në çantë.
Por edhe vetë Perëndimi ka përfunduar në bankën e të akuzuarve të luftës evropiane të spiunazhit. Presidenti autokrat i Bjellorusisë, Aleksandër Llukashenko, është i bindur se
ai ka zbuluar një komplot të kurdisur nga CIA për të vrarë atë dhe familjen e tij, dhe për të nxitur një revolucion në Minsk.
Ai thotë se u paralajmërua për këtë nga agjencia kryesore e sigurisë së Vladimir Putinit, FSS (Shërbimi Federal i Sigurisë), qenë pritje të agjentëve të Llukashenkos, arrestoi 2 bjellorusë. I pari, Aleksandër Feduta, ka qenë zëdhënësi i Llukashenkos gjatë fushatës kur ai u zgjodh për herë të parë president në vitin 1994, përpara se të kalonte në opozitë.
I dyti, Juras Ziankoviç, ka shtetësi të dyfishtë bjelloruse dhe amerikane. Nga këtu u krijua komploti:“Ne e ndaluam grupin, që të dy ata e organizuan operacionin, gjithçka ishte planifikuar – komentoi diktatori bjellorus – ne zbuluam punën e dukshme të shërbimeve të huaja. Ndoshta CIA-s, ose FBI-së”.
Ndërsa pritet një kundërpërgjigje, është njoftuar nxjerrja e një dekreti të ri për të “shmangur grushtet e ardhshme të shtetit”. Një tjetër goditje e demokracisë në Minsk “do të jetë një nga vendimet kryesore për presidencën time çerekshekullore”, paralajmëroi Lukashenko.
Agjentët rusë kanë një llogari të hapur edhe me Ukrainën, ku kanë nisur përleshjet në kufirin lindor. Një vit më parë në Kiev u arrestua Valeri Shaitanov, gjeneral i Shërbimit të Sigurisë së Ukrainës, i akuzuar nga qeveria si agjent i fshehtë i FSS, që kishte marrë 200.000 dollarë për “planifikimin e sulmeve terroriste”.
Sot Moska i kthen favorin, me një veprim që mund të përshkallëzojë më tej tensionet
në Donbas. Jo çdo ditë ju qëllon të shihni një konsull të përgjithshëm të huaj të arrestuar
si spiun. Kjo i ndodhi Aleksandër Sosoniukut, që të premten u gjend në ambientet e paraburgimit, i shoqëruar nga spiunët e Kremlinit.
Dhe nuk është një spiun dosido, por i FSB, agjencisë që po ndjek trashëgiminë e KGB-së së famshme, agjent i të cilit ishte edhe vetë Vladimir Putin. Qeveria ruse nuk ka dyshime, Sosoniuk u kap “në flagrancë” gjatë një konference, duke marrë informacione të klasifikuar. Edhe ai i dëbuar nga Rusia, dhe ka 72 orë për t’u rikthyer në Kiev.
Përshtatur për Tirana Today
