Tom Doshi: Marrim 6 mandate në zgjedhjet e 25 prillit

Kryetari i Partisë SocialDemokate, Tom Doshi shprehet i bindur se forca politike që ai drejton, do të marrë 6 mandate në zgjedhjet e 25 prillit.

Nga Korça, ku prezantoi kandidatin për deputet Julian Kodra, Doshi u shpreh se PSD i ka të sigurta dy mandate në Shkodër.

Ndër të tjera, ai tha se ka pritshmëri për 3 mandate në Tiranë dhe 1 në Korçë. Doshi nuk pranoi që të bëjë komente për rolin e Presidentit në fushatën zgjedhore.

“Ne të sigurta sot kemi 2 mandate në Shkodër, 3 në Tiranë por pritshmëria është shumë e madhe në Tiranë sepse pritshmëria është tek elektorati gri. Në këtë rast ne jemi vetëm, nuk bashkëpunojmë me asnjë forcë tjetër politike, deri pas 27 prillit që të numërohen votat. Nuk bej komente për Presidentin.”