Deputeti i Partisë Demokratike, Genc Pollo reagon pas kërkesës së kritikëve brenda PD-së që kërkojnë shkarkimin e Lulzim Bashës.
Pollo e quan patetike kërkesën e të pakënaqurve si; Bregu, Topalli, Patozi e Islami, emrat e të cilëve Basha nuk i përfshiu në listat e deputetëve.
“Patetike! Përveçse jashtë vendi e kohe!!”,- shkruan deputeti demokrat në një status në Facebook.
Genc Pollo është i renditur i dyti në listat e kandidatëve për deputetë të Partisë Demokratike në qarkun e Fierit.
Kritikat ndaj Bashës erdhën pak ditë pasi ky i fundit shpalli listat zyrtare të Partisë Demokratike në zgjedhje, brenda të cilave përfshiu edhe aleatët.
