Mesut Ozil ka marrë një vendim drastik në lidhje me të ardhmen e tij në kombëtaren gjermane, pasi i ka dhënë lamtumirën një ditë më parë. E gjithë kjo ka ardhur për shkak të akuzave dhe ofendimeve të lëshuar drejt tij nga tifozët tek drejtuesit e lartë të DFB. Me anë të një letre të gjatë Ozil ka sqaruar të gjithë tifozët dhe mbështetësit e tij se çfarë e detyroi atë që të merrte këtë vendim, ku gjithçka lindi pas asaj fotoje me presidentin Erdogan.
Tifozët gjatë ndeshjeve të fundit para dhe gjatë kampionatit botëror e vërshëllyen turko-gjermanin, por Angela Merkel duket se ka qenë kundër këtyre gjesteve edhe pse jo zyrtarisht. Ajo e futur gjatë kohës kur kampionati Botëror po luhej, bëri thirrje për qetësi dhe që tifozët duhet t’i kthenin ofendimet dhe vërshëllimat në duartrokitje për lojtarin.
“Nuk mendoj që ofendimet dhe vërshëllimat na çojnë shumë larg, duhet të mundohemi t’i shikojmë gjërat me qetësi. Pres që lojtarët të duartrokiten dhe jo të ofendohen nga tifozët”, tha kancelaria që nuk mbajti asnjë qëndrim për Ozil edhe në kohën kur fotoja me të dhe Erdoganin u publikua në mediat sportive.
