Në Kosovë studentët e Kolegjit Universum kanë bërë një studim interesant për ligjvënësit e tyre. Studentët kanë bërë një hulumtim të specifikuar mbi nivelin e edukimit të deputetëve të Republikës së Kosovës.
Nga studimi rezulton se 91 për qind deputetëve të Kosovës kanë përfunduar studimet bachelor. Por 11 prej deputetëve të këtij kuvendi kanë fshehur diplomat e tyre. Për ta nuk ka asnjë të dhënë publike se ku dhe kur janë diplomuar, çfarë studimesh kanë ndjekur.
Nga këta deputet 31 % kanë përfunduar masterin, ku një pjesë e mirë i kanë kryer studimet në Shqipëri. Vetëm 6.6% e deputetëve janë në studime në kërkim të gradës doktor i shkencave.
Qëllimi i hulumtimit ka qenë identifikimi i nivelit të edukimit, drejtimet në të cilat këta deputetë janë diplomuar si dhe institucionet e përzgjedhura nga ata për përfundimin e studimeve.
Studentët e Kolegjit Universum kanë hasur në vështirësi gjatë këtij kërkimi për shkak të mungesës së të dhënave.
