Kreu i Partisë Libra, Ben Blushi shkruan në rrjetin social “Facebook” arsyen se përse nuk është sonte pjesë e tryezës së thirrur nga PR dhe PAA.
Blushi thotë se nga tryeza thirrur nuk pret ndonjë zgjidhje, të paktën sonte, por ai shton se Mimoza Hafizi është aty, në emër të LIBRA, për të kërkuar standarde zgjedhore më të mira.
Në postimin e tij Blushi kuron që zgjedhjet të mbahen sa më shpejt që është e mundur dhe se partia e tij është gati.
Postimi i Blushit në Facebook
Duke takuar njerëz të zakonshëm nëpër Tiranë. Nuk kisha pse ndërprisja takimet e planifikuara me ta për të marrë pjesë në një tryezë nga e cila nuk pres ndonjë zgjidhje, të paktën sonte. Megjithatë Mimoza Hafizi është aty në emër të LIBRA, për të kërkuar standarde zgjedhore më të mira dhe mbajtjen e zgjedhjeve sa më shpejt që është e mundur. Kriza ku kemi hyrë, zgjidhet vetëm me zgjedhje të shpejta dhe të shpeshta për të cilat LIBRA është gati. Ne do pranonim çdo zgjidhje që garanton garë të ndershme të të gjitha partive dhe kandidatëve pa përjashtim.
Tryezës së thirrur nga Fatmir Mediut dhe Agron Dukës për të gjetur gjuhën e dialogut për një zgjidhje politike i janë përgjigjur pozitivisht të gjitha partitë politike parlamentare duke dërguar përfaqësuesit e tyre. Në takim janë thuajse të gjithë kryetarët e partive parlamentare.
