Xhinset janë një ndër nga veshjet më të përdorura në botë. Më herët ato janë dizenjuar për punëtorët e ndërtimit dhe minatorët. Arsyeja pse u prodhuan në masë për ta, ishte fakti që materiali i xhinseve është shumë rezistent ndaj kushteve të vështira të punës. Më vonë në 1950-ën ka qenë një nga aktoret më të famshme të asaj kohe, ajo që i veshi e para dhe përdorimi i kësaj veshje mori menjëherë popullaritet.
Sot xhinset vijnë në modele të ndryshme. Shumica prej tyre kanë kopsa metalike tek pjesa e xhepave. E dini pse ekzistojnë ato?
Sipas ‘Times of India’, fakti që janë prodhuar fillimisht për punëtorët, justifikon dizenjimin me kopsat në fjalë. Për shkak të punës së rëndë, pantallonat e punëtorëve prisheshin në cepat e xhepave, ndaj për të shmangur këtë problem u vendosën kopsat metalike. Që prej asaj kohe xhinset nuk qenë më të njëjtat.
