Akademiku Mehmet Kraja është zgjedhur kryetar i Akademisë së Shkencave dhe Arteve të Kosovës. Zgjedhja e tij në krye të ASHAK-ut është bërë në mbledhjen e sotme të këtij institucioni. Më parë Akademia e Shkencave drejtohej nga akademiku Nexhat Daci i cili ishte zgjedhur kryetar i Akademisë së Shkencave dhe Arteve të Kosovës më 21 dhjetor të vitit 2017-të në zgjedhjet e rregullta.
Vendimi që Daci të mos e ushtronte më funksionin e kryetarit thuhet se është marrë nga organet ligjore, legale dhe legjitime të ASHAK-ut më 11 qershor të këtij viti pasi ai kishte mbushur 75 vjeç.
