Në datën 10 tetor priten që të zhvillohen bisedimet e reja SHBA-Kinë, mes delegacionit amerikan dhe atij kinez, në përpjekje për të arritur një marrëveshje tregtare. Kjo e fundit synohet të arrihet në mënyrë që të qetësohen tensionet mes dy ekonomive më të mëdha botërore.
Kina dhe SHBA-ja kanë negociuar një marrëveshje që nga janari për t’i dhënë fund një lufte tregtare, e filluar vitin e kaluar, që ka rezultuar në qindra miliarda dollarë detyrime doganore reciproke për mallrat, shkruan “Rel”. Kujtojmë se Trump ka thënë ditë më parë, se Kina duhet të arrijë marrëveshje me Uashingtonin, duke paralajmëruar se do të jetë edhe më i ashpër ndaj Pekinit nëse bisedimet tregtare zvarriten. Lufta tregtare ndërmjet SHBA-së dhe Kinës ka lëkundur tregjet e aksioneve dhe ka rritur frikën për një recesion global.
